Hamza Namira - Bos Bos

Hamza Namira - Bos Bos
From the Album "Hateer Min Tany"

Quality : 320 Kbps

Year: 2018

Info :

Lyrics: Mahmoud Farouk & Hazem Wefy

Melody: Hamza Namira & Salman Al-Hussainy

Arrangement: Hamza Namira & Emre Moğulkoç

Download

Lyrics :

فرشة صاحب السعادة

معروف في السوق يا سادة

أسعار من غير زيادة

ورجعنا لزمن الرُخص

أنا مش بأبيع غناوة

فيه فصال وفيه نقاوة

مين قدّك في الغلاوة

افتح شنطك ورُص

:كورس

بص بص بص

مين قال لك تشتري؟

قرّب حمّل ورُص

ولا مين شاف ولا مين دِري

خُد منّي حتّة حتّة

شيل أبو ستّين بستّة

أو حتى خلّي عنّك

Boss لجل عيونك يا 

دي بضاعة ناسها غايبة

ومالهاش صاحب وسايبة

محسوبك صاحي جداً

ما بضيّعش الفرص

كورس

دي بضاعة آخر نقاوة

عبّي وليّا الحلاوة

شيل واخلع في الهداوة

من غير ما الناس تحسّ

حمّل كل اللي باقي

فرصة وفيه حد لاقي

شيل في الشيفت المسائي

والدنيا هُص هُص

كورس

ما تكبّرش الحكاية

مين هيدوّر ورايا؟

ده أنا وارث من بابايا

إوعي تفكّرني لص

مولد وصاحبة غايب

والغايب ماله نايب

ماهو سايب ماله سايب

وبيرجع يتقمص

كورس

بالراحة وتاتا تاتا

هنسيبها ع البلاطة

بيعة ف غاية البساطة

سيب لي الموضوع ده بس

ما تخلّي عينك قوية

دي الحاجة ليك وليّا

حدّ يردّ الهدية

يا عم بس بس

كورس

أنا بعت هناك وهبيع من هنا

زعلان مننا اعمل زينا

الدنيا ربيع والجو بديع

على قدّ ما تقدر بيع

شكلنا معروف وشّنا مكشوف

عيني عينك واللي يشوف ما يشوف

ولا فيه عند اللي جابونا كسوف

واللي هينطق هيضيع

كورس

بص بص بص]

ورجعنا لزمن الرُخص

بص تخسّ النُص

بص على الحلاوة

بص على النقاوة

[ياليل يا ليل

Preview :